新力飛工序硬淨

猪拉多纳

　　莫雷拉及潘頓剛戰雖未贏馬，但我堅信二人頗有拼勁，尤其是潘頓，他剛周日坐騎大部分是後上馬，騎者已騎得很有心機，奈何際遇欠佳才落敗。跑馬向來不是一加一等如二，若能刨一刨賽績，憑「A駒贏過B駒，B駒贏過C駒」就可搵到今次冠軍，哪有窮人？這遊戲很多時要把其他因素計算在內，生數死數亦不可計漏才可贏錢。

　　今次介紹第七場「新力飛」，無可否認，牠曾負於同場部分對手，但正如之前所講，死數雖然如此，但結合生數去計又未必會再落後於那些對手。當然，我認同此馬一向不易贏，但不易贏也有一定理由，以其本身曾三度贏三班賽事，而其中兩仗還是上季的事，那又怎能說其評分見盡輸實力？

　　纏繞此馬的問題，應是往往起步讓賽。由於牠是匹谷草後上短途馬，姑勿論實力多強，只要稍一不順，跑到無影絕不出奇，但今次變數在於換莫雷拉。大家都知，此子跑谷草能讓馬兒轉彎踩油之餘，又能及早讓人馬取得平衡，「幾叻仔」便是這樣重開勝門。「新力飛」拼後即由雷神出試，最後試跑更安排落草地，工序硬淨，贏馬有乜奇？

　　惜福外地戴眼罩贏

　　「穩佔先機」最後試跑識出正腳，這鏡頭我已等了很久，雖然未必今仗贏，但我一定長跟；「無敵城堡」拼後第三日即加眼罩考閘，唔係講玩；「惜福」外地加眼罩即贏，今仗加此配件到位；「同個夢想」上次久休無最後試跑都贏，今次落埋草地，信心爆棚。廖浩賢