衝勁寶以下犯上

不死鸟

第六場三班1200米。「衝勁寶」對上三仗跑谷草1200米俱入圍，上場移師田草跑1400突然輸遠，票數大抵顯示決心不足，8歲老黃忠周前泥閘試來有火有力，今次重返谷草有藉口。無疑班次看似吃虧，但換上楊明綸?住全場最輕磅兼有黃金一檔幫手，以下犯上絕對有可能。
「包裝至尊」觀台型及腳法縱然三班唔超也夠爭，按上場跑1400米放足1200來計，今次跟守好位已有本事爭取首捷。「揀得準」同程5捷賽績冠全場，霍利時接手跑過兩仗俱有Q，以上次力迫「新薪」而殿軍「紅褲子」再出都贏，今次換上馬偉昌不能不揀。「福將臨門」雖然略為失準，但同程兩戰均入三甲，季內尚未交代，操足抽2檔或未必夠贏料有三甲。
第一場五班2200米。「奧運精神」慢熱馬跑到上場終於有走勢，證明狀態已起。「天文學家」子嗣肯定越長越妙，這次趁落班即出王牌加程跑大長途是明刀明槍式部署，今回飛起普萊西用杜利萊，以騎練近期命中率之高，唔能夠唔睇高一線。