瑞士誓炒秘魯壯行色

猪拉多纳

征巴西前最後一擊

同日另一場世盃熱身賽瑞士主場鬥冇份踢世盃嘅秘魯。瑞士上場一球小勝牙買加，畀人感覺仍未去盡；秘魯上仗同英格蘭拍跳則慘吞3蛋，不但半力出擊，戰意更是一般，今場係瑞士出戰決賽周前最後一場正式比賽，一於捧主隊大勝以壯行色，揀讓球主勝。

（廣東體育周三凌晨2時30分直播）
祖斯比迪米斯弗爆

瑞士上仗對牙買加正選陣容收起隊長恩拿、中場基爾臣費南迪斯及前鋒祖斯比迪米斯，結果靠後者後備上陣一箭定江山，以1比0擊敗對手，呢名喺剛過去球季於紐倫堡踢到曉飛嘅前鋒包辦咗國家隊近兩仗3個士哥，腳風順到不得了，而其他前鋒想爭取表現亦唔會錫身，今仗肯定會搶韁入多啲波，力求去巴西前大勝一仗。

秘魯冇份去巴西，今次純粹陪練，故此一對箭頭比沙路及荷西古里路、費倫天拿中場祖安華加斯、有傷在身嘅史浩克04翼鋒法芬全部冇入選，從上仗0比3不敵英格蘭所見，秘魯無論攻守都冇乜章法，球隊顯然處於重組期，因此今場捧戰意十足嘅瑞士最啱數。