荷蘭點讓墨西哥？哥斯達黎加獻細

猪拉多纳

今晚兩場16強都係勢均力敵，頭場荷蘭對墨西哥，肥叔由2012年倫奧開始已經一路有跟墨西哥，真係睇住呢班波打起，陣中球員好有卡士，技術造詣極高，講真連巴西佢哋都唔怕，點會驚荷蘭吖！荷蘭呢隊波順起上嚟可以踢到曉飛，但要應付逆境就始終差啲，嚟到淘汰賽呢點好輸蝕，荷蘭今場讓唔起對手，下盤好路。

另一場哥斯達黎加鬥希臘，希臘係今屆比賽外籍大戶嘅至愛，分組賽對日本打少個嗰陣，班大戶仲連插幾注細盤，中到應一應。講到防守能力，呢隊波喺歐洲絕對係一級水平，唔容易多失，依家踢踢吓愈嚟愈有04年捧走歐國盃冠軍時嘅味道，表現好神奇。希臘喺莊家眼中評級係較低，但勝在防守好穩陣，呢場玩細盤最啱數。