紅牛大鬧費城聯

猪拉多纳

「亨利大帝」寶刀未老﹗36歲嘅紐約紅牛前鋒亨利今季嘅風頭雖然畀隊中神射手巴利胡禮菲臘斯搶咗好多，不過其質素同實力喺美職仍然係超班，有佢拍住卡希爾同巴利胡禮菲臘斯喺前線組成進攻三叉戟，作客費城聯照攻可也，捧大啦！

（TVB301周四早上7時直播）

紐約紅牛上場大炒哥倫布機員4比1，亨利交出「大師級」表現，4個入波都關佢事，全場貢獻1入球3助攻，佢更成功累積37次助攻，成為紅牛史上「助攻王」，果然不愧為「亨利大帝」唔到你唔服﹗不過亨利交出靚助攻，都要有隊友將個波送入網，29歲嘅前鋒巴利胡禮菲臘斯至今以15個入球排喺美職射手榜首位，狀態弗到爆。

費城聯同紐約紅牛一樣，都係攻力強橫、防守脆弱嘅球隊，費城聯喺聯賽已經連續8場開大，差唔多場場都有失波，今場仲要有兩大防中拿侯特同奧古高坐波監，中門大開，所以識揀，一定係揀入球大！