撐阿仙奴主勝迎賓

猪拉多纳

酋長盃今晚開打，今年參賽陣容包括東道主阿仙奴、葡超賓菲加、西甲華倫西亞同法甲摩納哥，每支球隊各踢2場，勝3分和1輸冇分，另外每入1球加1分，最高分為冠軍。東道主阿仙奴首戰對葡超賓菲加，賓菲加今夏放走多名主力，就算兵工廠唔係「夫添」，但仍足以擊敗對手旗開得勝，捧主W。

（TVB 301周六晚11時20分直播）

阿仙奴今夏積極擴軍，買入前鋒阿歷斯山齊士、後衞哥林張伯斯、迪保治等，但呢批新兵早前並冇隨隊出征美國同去奧地利集訓，上陣機會唔大，加埋3名德國國腳奧斯爾、普多斯基、梅迪薩卡下周至歸隊，幸好其他成員包括韋舒亞、路斯基、艾朗藍斯等已操起狀態，戰鬥力仍有保證。賓菲加今季放走多名主力，暫時補入嘅新血只有曼聯水貨碧比及上季馬里迪莫首席射手達利較具名氣，球隊對上4場熱身賽全敗，不宜追捧，揀主W啱數。
華倫摩納哥「大」廝殺

同日頭場揭幕戰由華倫西亞鬥摩納哥，華倫今季放走多名主力，防線要重組，摩納哥放走占士洛迪古斯後亦未有收購，但貝碧托夫喺熱身賽頻頻有士哥，大盤可捧。

（TVB 301周六晚9時直播）