多蒙特撻着入球停不了

猪拉多纳

正喺瑞士集訓嘅德甲球隊多蒙特，將會飛去波蘭同當地球隊施拉斯克踢熱身賽。「蜜蜂兵團」近期熱身賽頻頻贏波，可見成班球員已經上晒力，上仗面對瑞士乙組球隊拉伯斯維爾更狂勝10比0，球隊攻擊火力非常旺盛，今仗面對喺當地聯賽場場有波入嘅施拉斯克，相信會繼續踢進攻足球，阿謙睇好呢場入波唔會少，捧入球大！

（now 676周三晚11時直播）

多蒙特今季好早已經開操，球隊7月15日已經踢首場熱身賽，直到今場已經係第7場，之前6場合共取得5勝1和嘅成績，而且近期3連勝竟轟入16球，可見呢班波火力強勁。多蒙特今夏雖有多名主將離隊，但獲拖連奴前鋒恩莫比尼、哈化柏林射手阿祖安拉莫斯、奧格斯堡前鋒池東沅及弗賴堡後衞馬菲亞斯真達加盟，當中前3人上仗熱身賽皆有入波，可見狀態甚弗，今仗有望再取得入球。
施拉斯克未夠班頂唔住

波蘭聯賽踢咗3輪，施拉斯克暫以2勝1負排第5，球隊2場主場賽事都贏晒，可見喺自己地頭出擊特別醒神。上季攻入21個聯賽入球嘅葡萄牙射手派薩奧決定留隊，配合近3場聯賽入4球嘅斯洛伐克前鋒比治，今仗有力攻破「蜜蜂兵團」大門，阿謙覺得今仗隨時上演入球騷，捧入球大。