海灣者未夠喉再飲芝華士

猪拉多纳

聽朝美職西岸上演強弱懸殊戲碼，由一哥西雅圖海灣者作客包尾大幡美國芝華士。芝華士呢隊波攻力疲弱，近呢兩個月連頑強防守力呢個優點都冇埋，近七場錄得六負一和劣績，今場對住狀態大勇嘅海灣者，輸兩球或以上實屬正常，阿King捧讓球客勝。

（周四早上10時30分開賽，馬會網上文字直播）
肯薩斯+1起革命

海灣者實力超班，前面有丹普西拍住馬田斯，更有近期頻頻入波嘅後備殺手查特巴列特，攻力絕對信得過。相反芝華士有中場湯馬士麥拿馬拉同安德魯列比路唔踢得，中場輸送能力大減，球隊已經有六仗冇入波，上場又再畀洛杉磯銀河大炒三蛋，狀態、士氣進一步下跌，今場梗係要繼續反啦！

阿King順便講埋聽朝另外兩場美職，費城聯主場對FC多倫多，客隊一對箭頭安德魯韋達文同迪科爾因傷缺陣，主勝博得過。最後新英倫革命主場迎戰肯薩斯體育會，主隊有多位球員倦勤，包括中場多文同沙尼約瑟，受讓嘅肯薩斯抵玩。