撐俄羅斯炒起列支敦士登

猪拉多纳

歐洲國家盃外圍賽G組「師徒」分途出擊，「師傅」卡比路率領俄羅斯主場對列支敦士登，「徒弟」伊巴謙莫域為瑞典作客奧地利。俄羅斯喺今屆世界盃慘淡出局，全球最高薪國家隊主帥卡比路被俄羅斯國會議員鬧爆，為保「金飯碗」，係時候要做齣好戲，今仗正好趁遇上魚腩部隊，盡數對手向國民交代及證明身價，俄羅斯今仗雖然讓三球，但仍要讓球主勝。

（有線61、64、201及203台周二凌晨零時直播）
瑞典冇「地利」一樣掂

同組另一場瑞典作客奧地利，伊巴謙莫域日前熱身賽梅開二度，成為瑞典隊史上射手王，佢自爆全因効力祖雲達斯期間得到卡比路指導，令自己射術大為進步，先至有今日成就。呢位巴黎聖日耳門「神鋒」銳不可當，即使奧地利擁有主場之利，又有拜仁慕尼黑嘅阿拉巴鎮守後防，恐怕亦難以招架，平手盤捧瑞典。

（有線64及203台周二凌晨2時45分直播）