羅馬讓玻有戒心

猪拉多纳

飛數唔硬淨 又兼顧歐聯

經過交投淡靜嘅國際賽期後，各大聯賽又重燃戰火，今日肥叔傾下日落西山嘅意大利波。近年意甲水準的確遠遠畀英超、西甲同德甲拋離，甚至連法甲及葡超都迎頭趕上，淪為歐洲第六聯賽，加上祖雲達斯於國內一枝獨秀，真係冇乜睇頭。不過站在投X角度，正因意甲冇乜人留意，隨時有大把好嘢畀你執。

可能大家都驚意甲波假波多，但今夏當地足總立即大換班，除針對意大利國家隊恥辱地喺世盃分組賽出局外，亦打算全方位改善國內聯賽，希望提升意甲嘅名聲及競爭力，新官上場三把火，各界梗係要畀面做得好好睇睇，負面新聞可免則免，相信季初波會比較乾淨。
史篤城對辦食硬「李」

今晚同大家研究場意甲，由新升班嘅安玻里主場對羅馬，睇落強弱懸殊，羅馬實力贏成條街，初盤要讓一球都幾正路，不過佢哋下周中要喺歐聯出戰莫斯科中央陸軍，肥叔對有歐聯後顧嘅球隊點都有戒心，況且飛數唔多硬淨，寧願揀下盤。

（TVB 301周日凌晨零時直播）

睇多場英超，史篤城主場火併李斯特城，前者喺自己地頭出擊特別落力，之前仲作客爆大冷擊敗曼城唔講得笑，對住評級較低嘅李斯特城，小讓平半兼有飛落，個勢似係贏得。

（now 625周六晚10時直播）