紅軍維拉合演入球騷

猪拉多纳

（六）68 利物浦 Vs 阿士東維拉

利物浦今晚喺英超主場出戰阿士東維拉，不妨再追1.48倍入球大。雖然「紅軍」喺國際賽期後，又多幾件傷兵，慘到連射手史杜列治都傷埋，不過領隊羅渣士已經玩慣進攻足球，加上新簽嘅巴洛迪利可以繼續擔正，開入球騷唔難喎！

（now621台周日凌晨0:30直播）

「紅軍」開咧後連續3場開入球大，就算前鋒史杜列治、中場祖亞倫同安利簡恩分別喺國際賽受傷，佢哋仲有「巴神」撐住，唔憂冇波入。

再講，利物浦跟手要喺歐聯對盧多格德斯，專注力難免減低，就算今仗對手維拉火力曳，都可能偷雞入到波幫手，入球大絕對有得諗。