桂神來料：輪流轉 曼粉周一睇愛隊

猪拉多纳

大家都記得「秋官」鄭少秋，以前有首電視劇歌曲《輪流轉》，其實世上任何球隊無論如何登峰造極，都總會從高峰跌晒落嚟，因為天下冇不敗之師，尤其依家體壇金錢掛帥，其他球隊可通過買人增強實力令王者倒下，強如英超班霸曼聯、棒球勁旅洋基、NBA巨頭波士頓塞爾特人及洛杉磯湖人，均處於低潮，所以Peter奉勸各位死心塌地嘅粉絲，在享受過光輝歲月之後，就要好好接受愛隊跌落谷底嘅日子。

以往曼聯於周一（香港時間周二凌晨）通常備戰緊歐聯，今季佢哋連歐霸都冇份踢，其實呢類周一賽事，早喺上世紀70年代於美式足球已經出現，將某些重要戰役放在星期一上演，讓球迷可於放工後作為好似happy hour嘅娛樂節目。言歸正傳，曼聯今晚英超作客西布朗，究竟佢哋幾時先可以連贏幾場大翻身，真係天曉得，Peter覺得紅魔攻力不俗，但防守欠佳，因此呢場波入球會偏多。
金句：

What goes up must come down（輪流轉）