泰國王牌缺陣 讓唔起獅城

猪拉多纳

東南亞錦標賽今晚輪到B組開戰，尾場上演上屆決賽翻版戰，由衞冕嘅新加坡主場硬撼泰國，後者雖然志切復仇，但最出名嘅王牌射手鄧達未有歸隊，實力大削，捧有得受讓嘅「獅城」。

（now 671周日晚8時直播）

今屆係第十屆東南錦，之前九屆以新加坡同泰國最威水，前者四度封王，泰國亦曾三冠三亞，上屆兩軍會師決賽，最終新加坡兩回合計以3比2擊敗泰國奪冠。雙方今屆再喺分組賽重逢，泰國已今非昔比，上屆榮膺神射手嘅鄧達，今季外借到西甲球隊艾美利亞，成為首位於西班牙頂級聯賽上陣嘅「泰仔」，但因為出國搵食而未能征戰東南錦，佢係現役入波最多嘅泰國國腳，冇咗呢位星級射手始終爭啲，難怪戰績每況愈下。
新加坡勝在好默契

新加坡以一批効力國內球隊新加坡12獅嘅球員為骨幹，包括安姆利及卡爾辛等默契十足，外流馬來西亞嘅隊長伊錫乃上屆MVP，佢哋欲於自己地頭蟬聯錦標，梗係想挫一挫泰國銳氣喇，「讓球主客和」仲有得受讓咁筍，「讓球主勝」捧得過。