搶分大戰信ＱＰＲ攻城

猪拉多纳

周中歐聯分組賽戰果算正路，肥叔推介嘅阿仙奴、辛尼特、馬體會及祖雲達斯全部命中，肥叔講過歐聯比賽關乎球會收入，所以嚟到呢啲關鍵時刻真係搵命博，好似阿仙奴主場對多蒙特咁，多蒙特計實力唔會差得過阿仙奴，但基於賽前篤定出線踢落完全冇火，阿仙奴贏波只係贏決心，今晚佢哋返英超作客西布朗讓半一，肥叔對上盤好有保留，揀下盤划算。

（now 621周六晚8時45分直播）
李斯特城虛火已過

另一場值得留意嘅英超係護級大戰，昆士柏流浪（QPR）主場對李斯特城，李斯特城自從爆冷贏完曼聯後無以為繼，對上七場聯賽只係攞到兩分，其中有六場冇入波。昆士柏流浪一向靠主場搶分，最近兩場先後擊敗維拉及打和曼城，對住同級對手小讓平半，上盤好值博。

（now 632周六晚11時直播）