阿聯受讓又起筷

猪拉多纳

今季3訪悉尼全勝

澳職季後賽另一場4強戰今日上演，由常規賽「二哥」FC悉尼主場對「三佬」阿德萊德聯。阿德萊德聯剛戰擊敗衞冕嘅布里斯班獅吼晉級，球隊近況唔錯，加上今季4次對FC悉尼都保住不敗身，當中3次作客更贏晒，今仗就算作客都冇有怕，受讓捧下盤。

（有線64台周六下午5時30分直播）

FC悉尼以第二名完成澳職常規賽，令佢哋喺今場4強賽坐擁主場之利，球隊更藉此空檔畀一眾主力休息，好似冇喺常規賽煞科戰上陣嘅奧地利射手真高，今仗或可趕及回復狀態上陣搏殺。
阿聯兩主將復出

FC悉尼近3場賽事雖然都贏波，都要留意3仗都係作客賽事，而球隊最近一次輸波正正係不敵今仗對手阿德萊德聯，FC悉尼今仗要克服今季未贏過阿德萊德聯嘅心理障礙唔係易事。

阿德萊德聯上仗主場以2比1險勝衞冕嘅獅吼晉級4強，同時係球隊連續第2場勝仗。「阿聯」今仗有迪捷特及馬朗尼復出，令球隊可以排出較強陣容。而阿德萊德聯今季3次作客都擊敗FC悉尼，當中包括1場澳足盃賽事，心理上佔有優勢下仲要有得受讓，梗係捧下盤啦！