奧蘭多卡卡「大」起銀河

猪拉多纳

美職 05:00 （日）70 奧蘭多城 Vs 洛杉磯銀河

美職聽朝上演話題大戰，奧蘭多城喺主場恭候洛杉磯銀河，玩2.15倍入球大最好，首先奧蘭多城近排失波多到喊，其次佢哋嘅王牌球員卡卡，只能夠入選巴西嘅美洲國家隊大軍後備名單，梗係要爭取入球，證明身價啦！

（開賽時間：周一早上5:00）

奧蘭多城對上4戰1和3負勁失9球，咪話唔得人驚。好彩佢哋件王牌中場卡卡交足功課，雖然入波唔多，但就做咗好多次助攻，亦因為咁，卡卡終入選咗巴西嘅美洲盃後備名單，若然佢要力爭一席的話，肯定會趁今場多人留意發威。

對家銀河今季表現大跌Watt，隊長羅比堅尼要到下星期至能夠傷愈復出，絕對係其中一個主因，好在佢鋒線拍檔薩迪斯已經打破入球荒，呢件美國土炮新星有一定質素，應該唔憂冇波入。