|
|
河床箭頭全線死晒火
聽朝南美自由盃8強次回合，高士路主場恭候河床。首回合落後0:1嘅河床，雖然因為阿甲改期得以保留體力，弊在陣中三大箭頭全部啞火，今場造訪自由盃主場演出硬淨嘅高士路，睇怕幾難贏波翻盤，平手盤撐高士路可以坐和望贏！
（開賽時間：周四早上9:00）
阿根廷聯賽最近再有球員暴斃，足總宣布各級聯賽同盃賽改期，其中包括河床作客堤格雷嘅阿甲賽事，間接令河床球員能夠為今仗養精蓄銳。但可惜嘅係，河床自上月底不敵颶風隊失落阿超盃開始，三大箭頭卡雲拿基、洛迪高莫拿同杜費路古迪利斯都陷入低潮，近6戰先後落場都冇進帳，期間全隊只得1球斬獲，鋒線火力曳成咁，贏體力又有乜用喎！
高士路踢自由盃醒神
高士路喺今季巴甲開咧後冇贏過，睇落近況好似麻麻，但佢哋其實只係將全副心機放喺自由盃，其中巴西國腳李安度達美奧喺今季聯賽1分鐘都未踢過，相反喺今屆自由盃已經8次正選上陣，足證高士路嘅取態！再講，集中應付自由盃嘅高士路，每次主場出戰都特別醒神，連同上圈淘汰傳統勁旅聖保羅，佢哋今屆自由盃4戰3勝1和不特止，更加1球波都冇失過，有平手盤唔係唔揀吓嘛！
首回合：高客勝1:0 |
|
金睛卡
发表于 2015-5-27 08:26
变色卡
显身卡