海倫芬下盤有作「維」

猪拉多纳

荷附 22:45（日）19 維迪斯 Vs 海倫芬

海倫芬今晚會喺荷甲附加賽決賽次回合造訪維迪斯，爭奪歐霸盃附加賽入場券。海倫芬雖然喺首回合主場只能同維迪斯踢成2:2落入下風，但佢哋既然可以喺4強砌低傳統勁旅飛燕諾，實力絕對唔可以睇小。今場海倫芬受讓半一，2.48倍下盤博得過！

今季荷甲排第7嘅海倫芬，喺附加賽4強力挫「4哥」飛燕諾殺入決賽，可以話係吐氣揚眉。呢班波今場雖然仲有中場佐迪布積斯、後衞雲艾根因傷缺陣，幸好佢兩個都唔算係必然正選，換言之仍可排強陣鬥維迪斯。兩件射手史拉格維亞同烏夫，上場入波腳風唔錯，今場預料會繼續攻堅。相反維迪斯上場兩度領先都贏唔到，隨時打窒道氣，讓半一寧願冷敲2.48倍下盤！