櫻花星散讓唔起水戶

猪拉多纳

日乙近排「大地震」，好似今日場水戶蜀葵喺主場對大阪櫻花咁，兩隊嚟緊都會有人事變動，大家落注前真係要做足功課先得。水戶今仗會由看守教練西西谷隆之領軍，新帥效應，好有可能乘機反彈；相反，櫻花王牌射手科蘭就已經確定離隊，球星四散櫻花凋謝，今鋪作客，唔似讓得起水戶平半，博2.02倍下盤。
卡卡奧 科蘭齊齊跳船

水戶上星期喺主場以1:2不敵北九州向日葵，高層終於忍唔住炒咗教練柱谷哲二，安排助教西西谷隆之暫時領軍，只要呢隊波肯去「改變」，隨時一鋪翻身都唔出奇。另邊廂嘅櫻花，今季絕對係雷聲大雨點小，傷兵滿營不突止，一對王牌射手卡卡奧同科蘭仲已經選擇跳船離隊，賽前仲有傳聞話佢哋決定唔會再為櫻花披甲添，即使單嘢唔係真嘅都好，以咁嘅作戰心態去踢，讓波好牙煙囉。