華倫班主開水喉掃貨

猪拉多纳

小財唔出大財唔入，華倫西亞自2012至2013球季以嚟首度重返歐聯大舞台，班主林榮福當然要大搞啦！「蝙蝠兵團」除咗買斷尼格度之外，仲大手筆收購「賓菲加三子」安祖高美斯、洛迪高摩連奴、祖奧簡斯路，加埋鎮隊之寶柏高艾卡沙，今季決心大展拳腳喎！
奧達文迪扭計離隊

新加坡商人林榮福大把水，兩個月前仲收購咗C朗未來6年嘅肖像權齊齊搵銀，華倫西亞新季前景絕對令人期待。但有樣嘢要留意番，查實「蝙蝠兵團」板櫈深度麻麻，況且門將迪亞高艾維斯季初要養傷，後防靈魂奧達文迪亦扭計離隊，甚至罷操作脅，華倫西亞要兼顧西甲同歐洲賽有隱憂。