小袋鼠寄望獅吼孖寶

猪拉多纳

澳洲喺2015年年初砌低南韓首次捧起亞洲盃，一班U23小國腳當然希望承接呢個氣勢，再下一城贏埋U23亞洲盃，咁就要睇吓布里斯班獅吼孖寶占美麥卡倫同班頓波里路交出咩表現嘞！
占美麥卡倫多產射手

布里斯班獅吼依家做緊澳職「一哥」，占美麥卡倫同班頓波里路呢對90後前鋒功不可沒，22歲嘅占美麥卡倫至今已經入咗7球，係隊中神射手，特點係速度高，跟同樣係又快又扭得嘅班頓波里路組成高速前鋒組合。20歲嘅班頓波里路為獅吼喺聯賽出戰11次，射入5球，入球率亦不俗。「袋鼠兵」U23有佢兩個喺度，唔愁冇波入，而佢哋亦要藉住今次U23亞洲盃嘅機會，博表現進身大國腳。