突尼西亞喪攻翻啅加納

猪拉多纳

05/02/2012
文： 朱楓

今屆非國盃8強出爐後，好多人都希望科特迪瓦同加納合演夢幻決賽，不過朱楓就睇好突尼西亞可以殺出重圍。呢隻「雄鷹」今晚對加納前，仲揚言會大踢進攻足球，一副成竹在胸格，受讓1球1.72倍「讓球客勝」要捧！（now676台周一凌晨3:00直播）

加納認表現失準

突尼西亞喺今屆分組賽接連擊敗摩洛哥同尼日爾，最後一仗不敵加蓬僅以C組次名出線，唔多唔少同半力出擊有關，不過領隊查比斯講明，因為有牌在身上場被佢收起嘅主力，今晚都會復出。賽前突尼西亞中場捷迪盛傳因同查比斯鬧翻被叮走，不過捷迪事後話雙方係和平分手，查比斯仲強調隊波目前士氣好好，又話有信心擊敗加納添！


雖然以D組首名出線，查實加納喺分組賽表現真係好一般，助教艾比亞賽前亦坦承球隊表現喺水準之下，再睇埋中場安蘭啱啱丁母憂，王牌中場阿休身負肩傷上陣，近4次對住突尼西亞又都未贏過，試問加納今晚仲有咩優勢？

非國盃賽制：

今輪為8強戰，以一場過分勝負，若法定時間內打成平手，則需加時30分鐘作賽，再和則互射12碼決勝。