基爾馬諾克影衰巴塞

猪拉多纳

07/02/2012
文： ComboKing

今日有十幾場波開盤，阿King揀幾場同大家研究吓，先講蘇超快車，鄧弗姆林主場對基爾馬諾克，鄧弗姆林雖然排蘇超包尾，但佢哋上月底啱啱先贏過對手，況且基爾馬諾克作客一向唔掂，呢場推介「讓球主勝」！




（周三凌晨3時45分開賽）




基爾馬諾克有「蘇超巴塞」之稱，同其他踢法粗枝大葉嘅蘇超球隊好唔同，不過佢哋有姿勢冇實際，得其形而不得其髓，同巴塞可謂差天共地，上月底主場以○比三慘敗畀鄧弗姆林腳下，今場仲要作客，睇怕都冇運行！


雷恩法足盃搏命


另一場法足盃揀雷恩勝，雷恩喺盃賽一向打得唔錯，佢哋依家聯賽排第六，爭冠軍輪唔到佢哋，一心喺盃賽發圍，對住實力平平嘅伊維恩，捧主勝。




英錦賽四強則捧史雲頓，首回合兩隊打成一比一，但史雲頓主場出名勁，相信次回合可擊敗班列特打入決賽。