巴塞 華倫大火併

猪拉多纳

08/02/2012
文： 法比加輝

西班牙盃四強次回合，巴塞隆拿返回魯營主場迎戰華倫西亞。兩軍在首回合踢成一比一，意味失咗作客入球嘅「蝙蝠兵團」冇得坐以待斃，今場至少要入番粒先有價講。預計巴塞亦唔會為保持優勢去踢求和足球，兩軍鬥攻該不乏入球，加輝熱選入球大，另博分頭捧總入球5及6球。


（now 632周四凌晨4時直播）


要喺魯營球場攞番個作客入球，的確唔係一件容易嘅事，難怪華倫門將迪亞高艾維斯賽前都話要踢一場「零瑕疵」嘅球賽先有望出線。因此，預計教練艾美利排陣都唔會太過保守，寧願同巴塞鬥攻，好過坐以待斃。華倫陣內只有長抖嘅簡拿利斯及馬杜路缺陣，故今場可以強陣出擊。


巴塞上場以二比一擊敗皇家蘇斯達解除不勝魔咒，近四仗首次贏波，但過程就唔多夠說服力，尤其美斯連番失機，賽後被部分西班牙傳媒狠批。不過，巴塞喺主場出擊始終都大有保證，今季十一場主場聯賽十勝一和並攻入四十五球，即係平均一場入四球以上，主場攻力如此強勁，捧大最放心。

總入球5、6博好分

巴塞今場仍有恩尼斯達未傷愈，而施度基達亦未踢完非洲國家盃，兩人繼續孖住缺陣。巴塞近四次在魯營都贏華倫兼開大，加輝認為可打包埋7倍及10倍嘅總入球5及6球，皆因淘汰賽次回合例牌多波入。