|
|
08/02/2012
新特蘭短短兩個月內，由一支聯賽尾四嘅球隊，搖身一變成為英超八強分子，領隊奧尼爾可謂居功至偉。呢位北愛爾蘭領隊領軍十場賽事已取得22分，連奧尼爾自己都話估唔到有此佳績，既然聯賽護級嘅目標已達到，下一步就係力爭喺盃賽發圍！
現年59歲嘅奧尼爾，曾執教李斯特城、些路迪及阿士東維拉等球會，無論教邊隊成績都咁好，故甚得球迷及球員愛戴，佢執教李斯特城期間，曾帶領球隊兩奪聯賽盃，所以對爭奪本土盃賽可謂甚有心得。
奧尼爾表示：「我對新特蘭取得咁大進步感到欣慰，我自己接手嘅時候，都冇諗過可以有咁好嘅成績，既然依家聯賽已企穩陣腳，下一步就係爭取更好排名，同埋喺盃賽爭取佳績。我明白到打吡戰對球迷嘅意義，不過我嘅目標係踢好每一場波。」 |
|
金睛卡
发表于 2012-2-8 12:34
变色卡
显身卡