亨利Last Day重遊勝地

猪拉多纳

15/02/2012


亨利冇諗過於告別戰士哥！法國球星亨利以借將身份重投阿仙奴，作用非常明顯，但佢借用期即將屆滿，踢埋今場就會返紐約紅牛報到，亨利賽前話唔會諗住要入波，將以平常心面對告別戰。


告別戰後重返美職


亨利回歸阿仙奴後六戰入三球，將個人「兵工廠」入球紀錄增至229球，佢03年於歐聯曾作客聖西路球場兩次射破國際米蘭大門報捷，今次喺相同地方遇上AC米蘭，佢坦言唔會諗太多：「我冇諗過要入波喎，我仲會以阿仙奴球員身份踢多一場，淨係想幫球隊贏波，但作客AC從來都係硬仗！」




亨利自己話唔諗咁多，但阿仙奴主帥雲格就表明希望佢今場再顯神通：「我哋對新特蘭憑佢士哥辛苦贏波，希望佢於歐聯延續勇態再有進帳啦！」