「倫敦蒲精」篤爆兵工廠罩門

猪拉多纳

15/02/2012


AC米蘭陣中最想擊敗阿仙奴嘅球員，原來係奇雲保定，事關呢位加納中場07至09年効力熱刺期間，早已視呢隊當年倫敦同市球隊為死敵，仲話睇清楚兵工廠底細，指對方最大係問題係球員太幼嫩，經驗不足，所以長年同冠軍無緣。


奇雲保定曾効力熱刺


奇雲保定睇死阿仙奴無法喺歐聯再進一級：「我唔驚阿仙奴，佢哋表現時好時壞，攻守唔平衡，好似唔知道自己做緊乜。阿仙奴最大弱點都係球員太年輕，欠佳經驗，無錯後生仔有衝勁，但要爭冠軍，講到尾都係經驗最重要，AC米蘭呢方面佔盡優勢。」




另外，奇雲保定自爆，効力熱刺期間，沉迷倫敦夜生活，搞到事業走下坡，其後洗心革面，輾轉加盟AC米蘭，終於獲得重生，一定要好好把握機會，爭取事業更上一層樓。