賓菲加超班「-1」執甘

猪拉多纳

20/02/2012
文： 巨高

葡超獨腳戲，由榜首賓菲加作客甘馬雷斯。賓菲加聯賽不敗，聯賽客勝率亦係最高，縱然今場對手甘馬雷斯今季表現唔錯，但遇到真正王者賓菲加，甘馬雷斯難免會比下去，「讓球客勝」有2.35倍值得留意。




（周二凌晨４時15分開賽，馬會網上文字直播）




賓菲加於周中歐聯以二比三不敵辛尼特，但喺惡劣天氣下賓菲加仍能顯示出強大實力，只係臨尾有多少唔集中才招致落敗；今次重返更有把握嘅葡超，賓菲加當然要繼續睇好。前鋒奧斯卡卡度素狀態托弗，多名阿根廷戰將包括艾馬、奧斯華度加坦及加雷，近期表現都相當搶鏡，有足夠本錢擊敗甘馬雷斯。


甘馬雷斯遇「Big3」例輸


甘馬雷斯能打上積分榜前列，兼有機會爭取來季歐洲賽資格，成績令人滿意。不過佢哋今季鬥「Big3」球隊成績較差，葡超首循環對波圖、士砵亭及賓菲加全部輸晒，一月初喺葡聯盃對賓菲加又輸一比四。甘馬雷斯對強隊唔掂，今次再鬥賓菲加好難畀到捧場客信心。