曼城Ｗ有利可圖

猪拉多纳

22/02/2012
文： 巨高

歐霸盃三十二強次回合賽事，曼城主場對衞冕冠軍波圖。首回合曼城能在作客環境下反勝波圖二比一，某程度上兩隊已分出高低。今次曼城有埋主場之利，相信可再一次擊敗波圖，昂然躋身十六強，主W有1.52倍可捧場。（有線61及201台周四凌晨1時直播）




曼城於歐聯分組賽出局，現降格出戰歐霸盃可謂虎入羊群，雖然三十二強即遇到上屆歐霸盃冠軍波圖，但一樣冇有怕，首回合就已經打破對手多場主場不敗紀錄贏二比一。




曼城領隊文仙尼曾經講過，因為首回合只以一球差距險勝，故次回合仍要保持積極及進取，以主場贏波為最終目標。反觀波圖落後在先，為求晉級肯定會毫冇保留地進攻，呢類開放式足球，更加有助於曼城尋找入球機會。


波圖冇本錢翻本


此外，主場硬淨亦係曼城優點，不計英聯盃及足總盃，曼城幾乎錄得全勝紀錄，惟有拿玻里可於曼城球場執番一分。曼城主場成績咁好，睇怕波圖今次都好難反先對手。




事實上，波圖嘅戰鬥力明顯不及上季，其中一個原因係主帥保亞斯轉投車路士，另外哥倫比亞射手法卡奧轉投西甲馬德里體育會，亦令波圖攻力打上折扣。今晚再遇富豪級球隊曼城，波圖都好難有突破，主W應可順利開出。