國米出齊架生吔法國「賽」

猪拉多纳

22/02/2012
文： 郭球奇

爛船都有三斤釘，雖然意甲班霸國米近況曳，但教練雲尼亞里仍獲老細莫拉堤力撐，今晚「藍黑軍」喺歐聯16強首回合作客傷兵滿營嘅法國球隊馬賽，難得受讓1球，球奇梗係博國米反彈開1.77倍「讓球客勝」啦！（有線62、64、202、204及中央5台周四凌晨3:45直播）


馬賽4大主力齊打柴


國米近6戰得1和5負，5場輸波仲要係全部都食白果，狀態確係一般。好彩，近日終於徹底擺脫傷患嘅科蘭，賽前接受訪問話好尊敬雲尼亞里，亦會搏老命助國米重返正軌。今仗有佢搭住同樣傷愈嘅「大米」迪亞高米列圖，鋒力靠得住。始終「藍黑軍」喺之前歐聯分組賽曾兩勝里爾，似乎專食「法國菜」，今晚係時候反彈。




對家馬賽狀態無疑係幾弗，上仗主場賽和華倫西恩斯，已將不敗紀錄改寫成15場。好景不常，呢支法國班霸今晚竟有首席射手雷米、基格納、中場迪亞華同麥比亞4大主力同時打柴，阿休兄弟等非洲兵亦只係歸隊無耐，狀態未必可靠，教練迪甘斯想搵雲尼亞里着數？怕且冇咁易咯！