馬體會強戰西維爾

猪拉多纳

03/03/2012
文： 山度士

今輪最矚目嘅西甲賽事，非西維爾主場對馬德里體育會莫屬。無可否認西維爾近況有好轉，聯賽連勝兩場一洗頹風，但今場面對嘅馬體會，同樣都係換帥後脫胎換骨。度士認為西維爾只屬虛火，但馬體會陣容強大係洪爐火，相信馬體會可以搶分成功。（now 632周日清晨5時直播）


施蒙尼執掂坐和望贏


西維爾最近改由前基達菲主帥米高執教，新帥效應下成績亦有所改善，近兩場先後擊敗奧沙辛拿及華倫西亞搶了六分，讓西維爾重返前十位置。不過，度士就認為西維爾近期連勝只屬虛火，事關佢哋今季嘅陣容實在有點單薄，就好似前鋒位置，來來去去只得簡路迪同尼格度，前者已經老態畢露缺乏突破力，而後者就有傷今場缺陣，度士對佢哋嘅入球能力有多少保留。




反觀馬體會人強馬壯，前鋒法卡奧、阿祖安盧比斯及阿達杜蘭等具分量之餘，最重要係防線都畀新帥施蒙尼執番掂，上任後球隊失球數字明顯有所下降，度士認為西維爾要破關唔容易，睇好馬體會坐和望贏。


山度士


前香港足球先生，畀料同佢做人一樣，百足咁多爪，對唔同聯賽都有興趣。教波同貼波，一樣做阿哥。