巴塞征西演入波騷

猪拉多纳

17/03/2012
文： 山度士

踢波有時好講順唔順，順起上嚟點射都入，唔順起嚟中楣中柱，空門撻Q乜都齊，逐漸形成心理壓力，繼而失去信心，前季有馬里奧高美斯，前排則有「球王」美斯。




話美斯腳風唔順，唔係嘛？所指係佢於西甲作客入球率。以往美斯係巴塞經常為球隊打破僵局，但今季突然失靈，成為巴塞同皇馬會相差10分嘅主因。但所謂長路有盡時，美斯都係人，喺巴塞成隊都唔順嘅時候，沙維、韋拿同恩尼斯達輪住缺陣，佢希望承擔更大責任，反而影響自身演出，從直播可睇到佢急躁嘅神情，甚至搞到累積黃牌夠數要停賽添！踏入2012，美斯嘅作客入球數字漸漸提升，歐聯對利華古遜更加5福臨門，今晚巴塞作客西維爾，又係美斯嘅Show Time，呢場嘅入波又點會少先？（now 632周日凌晨3時直播）




山度士




前香港足球先生，畀料同佢做人一樣，百足咁多爪，對唔同聯賽都有興趣。教波同貼波，一樣做阿哥。