德盃4強「火炙壽司」孭飛

猪拉多纳

20/03/2012
文： 查理阿蛋

多蒙特今晚會喺德國盃4強造訪德乙一哥格雷特霍夫，主隊想爆冷終結「蜜蜂兵團」嘅20場不敗走勢，幾乎係冇可能，皆因客軍有香川真司踢到着晒火變「火炙壽司」，多蒙特想入多2球打入決賽絕對冇難度，「讓客」有2.5倍，抵玩到爛啦！（無綫翡翠台周三凌晨3:30直播）


乙組仔格雷特霍夫未遇考驗


拜仁慕尼黑近排場場都大炒對手6、7球，不過小妹覺得贏到波先係最重要，「蜜蜂軍團」踢吓踢吓已經20場未輸過，刷新咗球會紀錄，而且由蘇保迪同曉姆斯鎮守嘅防線相當穩陣，歇冬期後10場波只係失過4球咁大把，喺德盃未遇過甲組中上游分子嘅格雷特霍夫，就算想憑大勇嘅奧斯恩偷雞，都極有難度。




多蒙特後防夠穩陣，鋒線亦有啱啱度過23歲生日嘅香川真司孭飛，呢位日本球星上仗一箭定江山搞掂不來梅，表現愈嚟愈成熟，就算馬里奧葛斯唔出得，有「香川仔」喺度，都絕對夠撐。雖然羅拔利雲度夫斯基呢3場都冇波入，但佢只係冇乜運仔，連費托都破咗入球荒，又使乜擔心呢位波蘭神射手交唔到貨？今晚一於撐多蒙特贏多幾粒入決賽啦！


德盃及葡聯盃賽制：


兩項比賽均為4強戰，以一場過分勝負，若法定時間內打成平手，則需加時作賽，再和則互射12碼決勝。


意盃賽制：


採主客兩回合淘汰制，今輪為4強次回合，若總比數相同，作客入球較多一隊晉級，再和則於次回合後加時作賽。若加時入球數字相同，客隊將憑作客入球優惠晉級，若加時沒有入球，則需互射12碼決勝。