橫濱炒教練綠茵趁火打劫

猪拉多纳

20/03/2012
文： 九叔

今日大把日本波揀，但係日聯盃只係分組初賽，強隊例牌試新人，反而唔及日乙咁正路，所以情願推介東京綠茵個1.85倍客W，事關佢哋今日作客對住嗰隊FC橫濱，前日至炒咗個主帥，亂晒龍。（開賽時間：周二晚6:00）


綠茵勝在攻擊力強


今季日乙引入降班制，隊隊都唔可以再hea，否則出年聽跌落JFL啲地區聯賽，競技環境比以前更健康。FC橫濱今季大展拳腳，買入十幾個球員，當中仲不乏永井雄一郎、田原豐、堀之內聖、大久保哲哉呢啲有日職經驗嘅球員，外援亦有前FC東京中場羅拔圖、德島漩渦後衞裴相珍加盟，人腳响日乙屬強隊之列，自不然就以升班為目標，點知換血太多未見其利先見其害，開季3戰得1和2負包尾，結果主帥岸野靖之前日接到大信封，成為今季日職、日乙第一個被炒教頭。




FC橫濱陣前易帥，暫時叫個主教練田口貴寬坐正做住監督頂檔，但係隊波咁多位置變動，叫邊個揸旗都唔係一時三刻搞得掂嘅，即使老大哥三浦知良復出都救唔番，何況客軍東京綠茵開季取得2勝1負，3場入咗7球，攻擊力強過只入得1球嘅FC橫濱，冇理由唔博客W啫。


亞冠盃賽制：


32支球隊分8組進行雙循環分組賽，每組首、次名躋身16強淘汰賽。


日聯盃賽制：


由18支日職聯球隊參加，要踢亞冠盃的名古屋鯨魚、柏雷素爾、大阪飛腳及FC東京於分組賽輪空，直接進身淘汰賽。餘下14隊分兩組進行單循環分組賽，每組首、次名躋身8強淘汰賽。