瓜達拉哈拉當旺殺「迪」

猪拉多纳

28/03/2012
文： 亨格比利

南美自由盃G組聽朝有直播睇，來自烏拉圭嘅迪芬沙士砵亭喺主場出擊，似乎讓唔起墨西哥球隊瓜達拉哈拉，因為迪芬沙主力早就過晒氣，根本唔似惡得出樣。相反瓜達拉哈拉請到荷蘭球王告魯夫做顧問後，發晒狂取得5勝1和未輸過，食住上1.95倍「讓球客勝」抵捧，（有線61及201周四早上6:45直播）

告魯夫效應近6戰5勝1和

現時兩隊小組同得4分，不過瓜達拉哈拉就打少場，形勢上迪芬沙士砵亭搶分壓力大好多。雖然佢哋嘅中場尼高拉奧利華拉叫做踢過華倫西亞，但其實已經33歲，効力過雷恩嘅中場費爾昆恩更加係36歲，唔似有能力撐起隊波。


對家瓜達拉哈拉星味的確唔及以往，但佢哋老細最近請到荷蘭球王告魯夫做顧問，全隊即刻好似充咗電，對上6場比賽取得5勝1和，包括兩周前於自由盃首循環主場以1:0搞掂迪芬沙士砵亭，今次再遇當然唔會怕對方，信得過「告魯夫效應」唔會「亭」就捧「讓球客勝」。