|
|
04/04/2012
文： 蘇豪
日聯盃第二輪分組賽展開，A組磐田山葉主場對浦和紅鑽，紅鑽兩大主將阿部勇樹同槙野智章都要坐波監，隨時要搵90後小將野崎雅也頂上，今次作客山葉頂唔住，蘇豪捧主勝！（周三晚6時開賽）
浦和紅鑽上場聯賽硬撼川崎前鋒元氣大傷，守將槙野智章及中場阿部勇樹先後領紅，今仗無緣披甲，兩位球星今季回流日職加盟紅鑽，季初發揮極大作用，今次雙雙缺陣，主帥柏高域肯定非常頭痛。另外，守將史柏拉洛域及箭頭迪斯普杜域同樣有傷，令兵源買少見少，大軍或要派90後中場野崎雅也落場搏殺，情況唔多樂觀。
前鋒遇私房菜「+1」筍
磐田山葉今季改由少帥森下仁志領軍，佢於職業生涯晚期効力山葉，熟晒球會運作，雖然教波經驗唔算好豐富，但今季上任後成功帶起球隊，似乎都幾叻仔。山葉季初五戰不敗，單計主場三戰全勝，包括上場擊敗勁旅柏雷素爾，王牌前鋒前田遼一頻頻士哥，早於季初已經撻着狀態，紅鑽殘陣頂唔到幾耐。
同日A組廣島三箭主場對川崎前鋒，三箭射手佐藤壽人當弗，今季已入三球。不過，三箭近年畀前鋒食住，近八次碰頭兩和六負，完全冇得揮，今次亦難破魔咒，讓波必捧前鋒「讓球客勝」。
日聯盃推介
磐田山葉 勝
川崎前鋒 讓球客勝
鹿島鹿角 勝 |
|
金睛卡
发表于 2012-4-4 10:19
变色卡
显身卡