|
|
08/04/2012
文： 黃興桂
Peter特別鍾意低成本高收穫球隊，所講嘅就係英超球隊紐卡素。剛啱舉行嘅英超，紐卡素憑着「托弗」前鋒柏比斯施斯梅開二度，作客以二比○擊敗史雲斯。現時紐卡素已經取得四連勝佳績，如果能夠保持到氣勢，再加埋少少運氣幫助，話唔定可以取得來季歐聯參賽資格，Peter一定撐「喜鵲」。
東北部球隊除紐卡素之外，仲有新特蘭同埋米杜士堡。而論人氣及受歡迎程度，紐卡素肯定排第一。其實自1955年贏得足總盃之後，紐卡素都未曾喺高水平賽事中威過，今季喺英超有咁好成績，對於球迷嚟講都可算有晒交代。雖然仍未有能力爭逐聯賽冠軍，但Peter唔會對泰恩河畔球隊太過心急，始終都係啱啱開始復甦，總唔能夠一步登天。紐卡素仍然繼續努力去改善，以收窄與曼市雙雄嘅差距。
至於轉會政策方面，紐卡素都相當大膽。先以超高價錢出售安祖卡路爾，去年又放走荷西安歷基、祖爾巴頓及路蘭等球員，球隊實行以紀律及鬥志搭夠。實際足球比賽係團隊運動，並非純靠一至兩個球星去爭好成績，紐卡素大膽放棄球星可謂明智之舉。
周日晚兩場英超，曼市雙雄分途出擊。Peter覺得兩支爭標球隊都有鬥志，相信佢哋本周聯賽都可以順利贏波。雖說曼城要作客前列球隊阿仙奴，但只要曼城發揮到最佳水準，要全取三分都唔係無可能。
金句：這隻喜鵲極歡喜
|
|
金睛卡
发表于 2012-4-8 10:11
变色卡
显身卡