曼聯對韋根上盤唔易執

猪拉多纳

09/04/2012
文： 阿水

賭場有句名言：「賭錢切忌孤注一擲！」好多時話之你睇到個盤幾準，搭通晒天地線去贏場波都好，如果冇運都一樣死。一旦你真係瞓身去買，真係隨時出事o架！


阿水有唔少老友都係賭波界猛人，但近排都試過幾次中招輸大錢，上周五場史雲斯對紐卡素，個上盤幾對辦，點知史雲斯攻極唔入，紐卡素求其射幾腳，就畀個柏比斯施斯省兩粒搞掂個上盤。新特蘭對熱刺場波，由頭追到落尾入球大，只要入番球都唔使咁傷，偏偏全場3個問題手球12碼，個球證都發雞盲唔吹。

蜜蜂仔勝在默契好

講番周中啲波，德甲場焦點戰多蒙特對拜仁開平手盤，出面唔少人都話拜仁近9場贏8場氣勢一流，嚼硬蜜蜂仔，不過阿水見唔少莊家好似唔怕收飛，似乎都幾睇好主隊。講真，多蒙特近季表現平穩同默契好，今仗又有地利，平手真係抵玩架！至於韋根對曼聯嗰場，紅魔鬼執3分唔難，但讓波多，上盤唔易開出。