聖日耳門讓球和一察即中

猪拉多纳

22/04/2012
文： ComboKing

今日阿King睇中一場法甲巴黎聖日耳門主場鬥索察，聖日耳門去仗錯失追貼榜首蒙彼利埃良機，今周返回主場迎戰下游隊伍索察不容再失。不過索察近況唔算差，對上兩次不敵前列球隊都係僅輸一粒，一於揀好分頭嘅「讓球和」。（now 633周日晚11時直播）


法甲榜首蒙彼利埃上周意外不敵羅連安特，可惜聖日耳門唔爭氣又跌兩分，未計周日凌晨戰果，雙方仍有兩分差距，聖日耳門近三次主場鬥索察全部贏晒，為保爭標希望全取三分機會高，不過主Ｗ只得1.29倍略嫌冇肉食，可考慮轉玩其他項目。索察仍未擺脫降班危機要積極搶分，佢哋近六場聯賽四勝兩負，所輸兩場對手分別係前四分子蒙彼利埃及里昂，而且都在作客環境下輸一比二，表現雖敗猶榮，睇埋聖日耳門最近兩次贏波都係贏對手二比一，預計今仗好大機會都係一球上落，揀3.6倍「讓球和」夠和味。

南錫弗爆受讓筍

另一場法甲阿些斯奧主場鬥南錫，南錫近七場不敗狀態大勇，逐漸逃離降班漩渦，論搶分決心應不及仲要護級嘅阿些斯奧，可惜主隊近況一般，已經連續五場聯賽未贏過，而且今季聯賽勝出率亦僅得22%，「讓球主客和」阿些斯奧讓一球，捧「讓球客勝」。


最後荷甲海牙主場鬥飛燕諾，飛燕諾今季回勇有力爭奪來季歐聯入場券，海牙有主場之利亦唔會同你守，難得中位數冇調高，捧大盤啱數。