巴塞大反擊

猪拉多纳

24/04/2012
文： 法達斯維

今晚歐聯四強次回合生死鬥巴塞隆拿主場對車路士，究竟受傷後的巴塞有幾惡？上仗輸畀皇家馬德里幾可肯定失落西甲冠軍，反令巴塞可全力應付歐聯，雖然於首回合落後車路士○比一，但以巴塞決心同攻力，就算車仔擺架大巴喺龍門口都擋唔住，入球大好路。


（有線61及201台周三凌晨2時45分直播）


或者大家會認為巴塞教頭哥迪奧拿收起碧基、法比加斯同阿歷斯山齊士，係球隊輸畀皇馬的關鍵，但人誰無過，最緊要係知錯能改，正所謂事不過三，以往哥帥好少連衰三鑊，應該對佢投以信心一票。換個角度去諗，三人抖夠先去鬥車仔咪仲有利。況且衞冕西甲機會極微，反令巴塞疊埋心水衝擊歐聯，對這支兵源單薄的「地上最強」，無疑係焉知非福。

魯營夠大鐵桶守唔晒

另外，與史丹福橋球場唔同，魯營球場之大一向係易攻難守，其實巴塞鋒線如美斯、阿歷斯山齊士、恩尼斯達等冇乜跌Watt，只要佢哋決心狂攻，世上冇乜球隊能阻擋得住。雖然車路士三年前曾於魯營守和０比０，但此一時彼一時，陣中主力如林柏特、泰利、杜奧巴又老三歲，其中有傳杜奧巴膝傷，就算可紮住上，呢架「老爺車」是否有足夠體力應付巴塞九十分鐘的狂轟猛炸，實屬疑問。


雖然今仗大細中位數調高到3.5球，但巴塞攻力犀利，近八次於魯營出擊，有六次總入球數去到四球或以上，今次「地上最強」傾盡所有狂攻，大盤一樣靠得住！