墨西哥內訌捧蒙特雷

猪拉多纳

25/04/2012
文： ComboKing

中北美洲冠軍盃周四早上舉行決賽次回合，兩支墨西哥球隊拿根亞、蒙特雷再度交鋒，蒙特雷首回合贏2比0，有兩球在手，今次作客只要不敗便可奪標，憑佢哋近年作客拿軍成績及經驗應不難達標，讓球主客和蒙特雷受讓一球，「讓球客勝」可視為過關重心。


（周四早上8時開賽、馬會網上文字直播）


單計主場賽事，拿根亞今屆晉級過程極具說服力，由分組賽開始五場全勝，當中八強、四強鬥兩支美職球隊西雅圖海灣者及FC多倫多單場入六球，火力相當得人驚。不過佢哋今場決賽對手係同樣來自墨西哥嘅蒙特雷，主隊未必再能取得甜頭。

玻利瓦爾冇火捱「細」界

兩軍近年經常在本土賽事交手可謂熟晒路，拿根亞對上四次主場鬥蒙特雷只係贏過一次，基於賽例計算作客入球優惠，一旦蒙特雷今場入到波，拿根亞起碼要淨勝三球或以上才可捧盃，鬥志或隨戰局而出現變數。蒙特雷連盃賽在內近八仗只輸一場，演出四平八穩，有權守和對手封王。


另外，南美自由盃亦上演兩場十六強首回合，玻利維亞球隊玻利瓦爾主場鬥巴西山度士，山度士料會先穩守，玻利瓦爾攻力一般，首選細盤。另一場巴甲內訌，國際體育會主場鬥富明尼斯，兩軍近期喺州聯賽展示強大攻力，今場捧大盤。