圖盧茲有地「利」平手抵捧

猪拉多纳

27/04/2012
文： 朱楓

法甲進入最後直路，「一哥」蒙彼利埃今晚作客圖盧茲唔似可以搶到分，皆因圖盧茲都要爭下屆歐洲賽資格，而且地頭威力超勁，平手盤玩主隊應該坐走望贏。（廣東體育周六凌晨1：00直播）


法甲仲有5輪就煞科，榜首蒙彼利埃暫時領先「二哥」巴黎聖日耳門2分，有望首奪聯賽冠軍。表面睇，蒙彼利埃近況好似幾好，但原來佢哋近6場作客只得1勝2和3負，贏嗰隊仲要係近排頹到震嘅馬賽，對住聯賽榜中游隊伍羅連安特同南錫，都要輸波而回，認真冇晒面！

蒙彼利埃向聖日耳門認低威

蒙彼利埃會長尼高連近日就開聲話，完全無諗過球隊今季會奪得法甲錦標，覺得攞第3有機會踢下屆歐聯外圍賽已經好滿足，而且大讚爭標勁敵巴黎聖日耳門勁過佢哋10倍，唔單止冇信心，仲絕對係長他人志氣滅自己威風。


圖盧茲暫時排第7，但落後第4嘅里昂僅3分，仍有機會出席下屆歐霸盃。圖盧茲今季成績咁好，可謂全靠主場威力，翻查數據，圖盧茲今季聯賽主場10勝4和，只係輸過2場咁大把，主場不敗率達87%，上輪主場更大炒里昂3：0，今晚對蒙彼利埃，絕對有權做攔路虎！