拿玻里「-1」捉傻豹

猪拉多纳

01/05/2012
文： 巨高

本周中意甲又再開快車，周三凌晨先踢兩場，其中一場拿玻里主場對巴勒莫。拿玻里力爭下屆歐聯入場券，聯賽季軍屬今季最大目標，反觀巴勒莫近況平庸，作客成績又差，料拿玻里今場可輕鬆勝出，「讓球主勝」值得優先捧場。（周三凌晨2時45分開賽）


現時意甲形勢極之緊湊，第三至六位球隊同得五十五分，相信未鍊到最後一輪都未知邊隊可以出席下屆歐聯外圍賽，故暫列第三嘅拿玻里絕不能掉以輕心。


睇番近幾場比賽，其實拿玻里已經回復狀態，最重要係前鋒卡雲尼已連續三場有「士哥」。另外咸錫、拿維斯及馬治奧等主力亦冇傷冇病，陣容完整對爭勝必然有利。

巴勒莫作客腳軟

「傻豹」巴勒莫作客得分率極低，近年到訪聖保羅球場亦輸多贏少，今場受讓也難樂觀。