馬體會留力歐霸信唔過

猪拉多纳

05/05/2012
文： 鄭少偉

恭喜皇馬提前兩輪封王，但關係到下屆歐洲賽資格嘅4、5、6位之爭依然激烈，唔鬥到最後一輪都唔知邊隊笑到最後。今晚馬體會主場硬撼馬拉加，兩隊都要為歐洲賽資格搏命，但前者嚟緊周中仲要打歐霸盃決賽，隨時留力捧唔過！（開賽時間：周日凌晨3：00）


馬拉加爭歐聯入場券


馬體會周中主場對住皇蘇認真陰功，全場佔盡優勢兼入波在先，諗住袋硬3分啦，點知最後竟然踢少個兼慘遭對手逼和，嘔番2分出嚟唔在講，佢哋位首席射手法卡奧被調離場前，仲畀電視攝影師影到佢摸住個大髀，睇落似係拉傷底筋之類，估計教頭施蒙尼都未必會冒險派佢上陣，寧願畀佢抖抖，留力搏殺歐霸盃決賽！


至於「西甲曼城」馬拉加，今季咁大投資無非望打歐聯，賽前排緊第4，只要過到今日呢關，極有機會達成心願，今場作客「有心事」嘅馬體會，1.87倍「讓客」算穩陣，想博大霧不妨玩埋和波。