俄羅斯「烏」雲蓋頂捧唔過

猪拉多纳

今晚喺莫斯科主場同烏拉圭踢熱身賽嘅俄羅斯，賽前有唔少阻滯，兩大守將一個食物中毒、一個因傷退隊，對住要備戰世盃外圍賽嘅烏拉圭唔易贏，1.6倍「讓球客勝」好路！（now632台及廣東體育周六凌晨0:45直播）
右閘舒斯堅食物中毒

俄羅斯嚟緊將進行3場熱身賽備戰歐國盃，近日領隊艾禾卡特已經要為將25人大軍縮至23人搞到一頭煙，點知仲有首席中堅華斯利比里蘇斯基臀傷未愈退隊、右閘舒斯堅就食物中毒缺席咗一半嘅操練、闊別4年重返國家隊嘅中場伊斯米洛夫，又要幫士砵亭拍廣告啱啱先歸隊，加上莫斯科近日熱到爆，錄得今年最高氣溫攝氏30度，9千幾個問題煩住點踢好波？

對手烏拉圭要備戰下個月3號主場對委內瑞拉嘅世盃外圍賽，領隊泰巴尼斯點兵都用晒外流球員，蘇亞雷斯、科蘭同卡雲尼組成嘅鋒線已經夠嚇人，撞啱炎熱天氣隨時反轉莫斯科，受讓抵博！