森巴新世代玩轉墨西哥

猪拉多纳

為備戰倫敦奧運，巴西主帥文奴文尼斯揀咗批後生仔進行一系列熱身賽，早前先後大勝丹麥同美國，將連勝紀錄增加至8場，今晚「森巴兵團」轉戰中立場美國達拉斯同墨西哥拍跳，2.75倍「讓主」玩得過。（開賽時間：周一凌晨3:05）

尋日巴西大軍一到埗，就有大約40位Fans捕喺達拉斯酒店門外等攞簽名，當中以尼馬同堤亞高施華最受歡迎，佢兩個亦冇托手(月爭)自願「罰抄」。
墨西哥守將馬基斯倦勤

咁又難怪嘅，巴西近期熱身賽表現都相當之好，單係５月兩場友賽，就分別大勝丹麥3:1同美國4:1，就算山度士中場甘素因傷退咗隊，頂佢個位嘅國際體育會新星奧斯卡杜斯山度士都一樣交到貨，加上一對鋒將尼馬同侯克腳風順到爆，又使乜赦有防守大將馬基斯倦勤嘅墨西哥先？況且雙方近兩次交鋒巴西都贏晒，墨西哥想有運行都難。