荷蘭唔興浪射角球捧細

猪拉多纳

荷丹之戰嘅角球大細中位數係9.5個，始終荷蘭係支着重控球嘅球隊，唔會盲目浪射，相對取得角球嘅機會唔會太高，至於丹麥想攻亦有心無力，同樣唔似會攞到多角球。睇番數據，荷蘭之前5場外圍賽角球數都係9球以下，丹麥8場外圍賽都有5場嘅角球係單位數，2倍「角球細」應該值得捧場。

荷丹戰仲有得估尹佩斯嘅特別事項，估佢入波先得3倍唔算值博，開角球主力又唔係佢，加上脾氣好唔易攞紅黃牌，所以不如博佢7倍被調出，始終一旦荷蘭冇波入，隨時半場就換入亨特拉爾頂佢。另外德葡戰估馬里奧高美斯連中三元有25倍，葡萄牙防線唔算穩，回報率高可以一試。