|
|
今晚進入小組賽最後階段，A組形勢「立立亂」，皆因主辦國波蘭以及同組3支對手均有機會躋身8強。先講632台直播嘅波蘭對捷克，上場捷克開波未夠10分鐘已連下兩城，雖然隊長路斯基勇戰受傷，但最重要是擊敗希臘取得寶貴3分，今場即使打和出線仍然樂觀。相反主隊波蘭如不想步去屆兩支東道主奧地利和瑞士齊在分組賽出局的後塵，及令舉國人民失望，就非勝不可，其實波蘭今屆表現不差，兩輪比賽射門及中龍次數都比對手多，未能打開勝利之門實有點欠運。
同一時間上演嘅希臘對俄羅斯同樣精彩，先講要搶分嘅希臘，今次他們不能再一味穩守，如果能像對波蘭下半場一樣放開懷抱與俄軍鬥攻，或有意外收穫。但從數據來看，暫列神射手榜首位嘅迪沙高耶夫（3球）及助攻王艾沙維（3次）帶起整隊俄羅斯信心，如果今仗以首名出線的話，8強好大機會可以避開B組大熱門德國。
赴烏克蘭現場直擊
完成昨晚英格蘭賽事後，馬上就要飛往烏克蘭，為大家直擊現場實況！全力支持愛隊英格蘭在最後一場贏波出線之餘，更可以現場欣賞舒夫真高的精彩球技，還有就是會一會恤了個靚頭的朗尼。
（本欄目每日由克勤口述now TV筆錄，同你大談歐國盃） |
|
金睛卡
发表于 2012-6-16 06:43
变色卡
显身卡