荷蘭得個名跣瓜散客

猪拉多纳

歐國盃死亡B組鬥到最後一輪，出線熱門德國贏得驚險，其實呢場佢哋唔贏都得，始終德國和波已經可以出線，讓得多真係好擇使。呢場根本就係格食格，德國食硬丹麥，皆因兩隊都係踢整體戰，德國先係打整體戰嘅祖師爺，始終都係高好多，去到淘汰賽一樣有惡氣。

另一支名牌球隊荷蘭三戰輸晒一敗塗地，佢哋最後一場晨早入波以為有運行，點知最終都畀C朗打謝，呢位巨星終於踢出身價波，確係葡萄牙之福。荷蘭今屆雷聲大、雨點小，呢班波多大牌球星，但唔夠團隊精神，早被唔少行內人睇死，無奈散客都係鍾意名牌，最終都係畀佢哋跣多鋪。
法國瑞典「大」解放

講番今日心水，法國對住瑞典如果只係讓半球，絕對可以大注劈落去，不過操盤手計得非常準，呢場開法國讓半一至一球，真係讓得多咗啲。呢場大戶一定會睇下盤，肥叔實在唔建議大家玩盤，預期兩隊都會踢得較為開放，相信會泡製唔少士哥，入球大值得留意。

另一場英格蘭對烏克蘭個盤又係開得靚，英格蘭高啲要讓平半，但佢哋和波就出線，讓波唔抵玩，呢場傾向小注玩細盤，不宜搏殺。
肥叔心水

英格蘭 細

瑞典 大