山度士殺「迪」唔留手

猪拉多纳

歐洲國家盃接近尾聲，計埋今晚嘅最後一場8強戰，整項賽事就剩番4場比賽未踢，至於下一項國際大賽，就輪到7月26號展開嘅倫敦奧運男足分組賽，唔少鐵定有份參戰嘅球員，喺7月中已經要向國家隊報到，屆時最受影響嘅肯定係巴甲，皆因幾隊名牌球隊，都有3幾件要踢太公波，到時山度士又要缺少「雙子星」尼馬同甘素。

山度士早前為咗冧莊南美自由盃，都幾下定決心放棄巴甲，搞到今季聯賽5戰都仲未開齋，如今衞冕失敗，終於可以專心應付聯賽，相信佢哋必定會趁奧運未開鑼之前搶定分數，今晚主場迎戰哥列迪巴係開齋嘅好機會。
哥列迪巴分心巴西盃決賽

對家哥列迪巴都算叻仔，以有限嘅班底仍然喺日前擊退聖保羅，連續兩年殺入巴西盃決賽，雖然首回合要到下周中先上演，但相信佢哋現階段肯定係以盃賽行先，加上佢哋近3次作客都輸晒，今鋪造訪山度士好難唔放低3分。（開賽時間：周一清晨5:30）

足球重心：山度士（勝）、男生隊（讓球主勝）

馬膽推介：8場(11)喜惑

雖然已經冇乜分喺手，但話晒近期都不斷喺中距離跑得接近，級數始終比一般短途馬高，今仗難得負超輕磅，對手亦只得唔知跑唔跑得番嘅「金鎸龍華」，成半冷超值。